കറ കളയാന്‍
തുണികളിലെ മിക്കവാറും എല്ലാ കറകളും കളയാന്‍ തക്കാളി നീരില്‍ മുക്കിയ തുണി ഉപയോഗിച്ച് കറയുള്ള ഭാഗം അമര്‍ത്തിത്തുടച്ച് ഒരു മണിക്കൂറിനുള്ളില്‍ കഴുകി കളയുക.
വസ്ത്രങ്ങളില്‍ മഷി പുരണ്ടാല്‍ തൈര് പുരട്ടി അര മണിക്കൂറിനു ശേഷം സോപ്പും ചൂടു വെള്ളവും ഉപയോഗിച്ചു കഴുകുക.
പട്ടു സാരിയില്‍ സാധാരണ കറകള്‍ പുരണ്ടാല്‍ കറയ്ക്ക് മീതെ പശുവിന്‍ പാല്‍ പുരട്ടി കഴുകുന്നത് ഗുണം ചെയ്യും.
വസ്ത്രങ്ങളില്‍ തുരുമ്പ് കറ പിടിച്ചാല്‍ അത് മാറ്റാന്‍ അല്‍പ്പം വാളന്‍ പുളി പിഴിഞ്ഞെടുത്ത ചാര്‍ പുരട്ടി ഒരു മണിക്കൂറിനുള്ളില്‍ കഴുകി കളയുക.
വസ്ത്രങ്ങളില്‍ ടാര്‍ പുരണ്ടാല്‍ തുണിക്ക് കേടുപറ്റാത്ത വിധത്തില്‍ ആവുന്നത്ര ചുരണ്ടിക്കളയുക. അതിനുശേഷം തുണിയില്‍ യൂക്കലിപ്ടസ് പുരട്ടി കട്ടിയുള്ള സ്പോഞ്ചു കൊണ്ട് ഒപ്പിയെടുക്കുക.
വസ്ത്രങ്ങളില്‍ തേയിലക്കറ പുരണ്ടാല്‍ അല്പം ചെറു നാരങ്ങ നീരും ഉപ്പും പുരട്ടി കഴുകി വൃത്തിയാക്കുക.
ഔഷധ സസ്യങ്ങള്‍
തുളസി
ഒരു ഔഷധ സസ്യം എന്നല്തിലുപരി നമ്മുടെ സംസ്കാരത്തിന്‍റെ പ്രതീകം കൂടിയാണ് തുളസി. യാതൊരുവിധ പരിചരണവും കൂടാതെ നാട്ടുവളര്‍ത്താവുന്ന ഒരു സസ്യമാണ് ഇത്. പനി,ചുമ,ശ്വാസ തടസ്സം,ചെറു ജീവികള്‍ കടിച്ച് ഉണ്ടാകുന്ന നീര് ഇവയില്‍ ഉപയോഗപ്പെടുത്താവുന്നതാണ്.
ഇഞ്ചി
വളരെ ഉപയോഗമുള്ള ഔഷധം. ദഹന ശക്തി വര്‍ദ്ധിപ്പിക്കുന്നതിന് അത്യുത്തമം. അനായാസേന നട്ടു വളര്‍ത്താം. വെറ്റില വള്ളികള്‍ മുറിച്ച് നട്ടു പിടിപ്പിക്കാം. ചുമ,ശ്വാസ തടസ്സം ഇവയില്‍ ഉപയോഗപ്പെടുത്താം
മഞ്ഞള്‍
ഔഷധവും ആഹാരവുമായി ഉപയോഗപ്പെടുത്താവുന്നതാണ്. വിഷ സ്വഭാവമുള്ള ഏത് പദാര്‍ ത്ഥത്തിന്‍റെയും ശുദ്ധിക്ക് ഉപയോഗിക്കുന്നു. വളരെയധികം ഔഷധ ഗുണങ്ങളുണ്ട്.
ആടലോടകം
ഉദ്യാനത്തിന്‍റെ അതിരില്‍ വച്ച് പിടിപ്പിക്കാം. ചുമ,ശ്വാസ തടസ്സം ഇവയില്‍ ഉപയോഗപ്പെടുത്താം
കരിനൊച്ചി
സന്ധി വേദനക്ക് പ്രധാനമായും ഉപയോഗപ്പെടുത്താം. ആടലോടകത്തെ പോലെ ഉദ്യാനത്തിന്‍റെ അതിരില്‍ വച്ച് പിടിപ്പിക്കാം
സൂക്ഷിച്ചാല്‍ ദുഃഖിക്കേണ്ട - ഗ്യാസ് സ്റ്റൌവ്
സിലിണ്ടറില്‍ നിന്നു സ്റ്റൌവിലേക്കുള്ള റബ്ബര്‍ ട്യൂബ് ആറുമാസത്തില്‍ ഒരിക്കലെങ്കിലും മാറ്റി പുതിയത് ഘടിപ്പിക്കണം. റബ്ബര്‍ ട്യൂബിനു പുറത്ത് അലൂമിനിയം,പ്ലാസ്റ്റീക് എന്നിവ കൊണ്ടുള്ള കവറുകള്‍ ഉപയോഗിക്കാതിരിക്കുന്നതാണ് നല്ലത്. ട്യൂബില്‍ എവിടെ എങ്കിലും ചോര്‍ച്ചയുണ്ടെങ്കില്‍ പെട്ടെന്ന് തിരിച്ചറിയാന്‍ കഴിയില്ല. നല്ല വായു സഞ്ചാരമുള്ള സ്ഥലത്തു വേണം ഗ്യാസ് സ്റ്റൌവ് സ്ഥാപിക്കാന്‍. ഉപയോഗത്തിന് ശേഷം സ്റ്റൌവ് മാത്രമല്ല സിലിണ്ടറും ഓഫ് ചെയ്യണം. സ്റ്റൌവിന്‍റെ ബര്‍ണര്‍ കരടു വീണ് അടയാന്‍ സാധ്യതയുണ്ട്. ഈര്‍ക്കിലി,സേഫ്ടി പിന്‍ എന്നിവ ഉപയോഗിച്ച് ബര്‍ണര്‍ വൃത്തിയാക്കുക. ഗ്യാസ് സ്റ്റൌവ് വൃത്തിയാക്കാന്‍ മണ്ണെണ്ണ ഉപയോഗിക്കരുത്. സിലിണ്ടര്‍ ചരിച്ചിട്ട് ഉപയോഗിക്കാന്‍ പാടില്ല. ഗ്യാസ് ലീക്ക് ചെയ്തുവെന്ന് ബോദ്ധ്യപെട്ടാല്‍ ഉടനെ വാതിലുകളും ജനാലകളും തുറന്നിടുക. ഇലക്ട്രിക് സ്വിച്ചുകള്‍ ഒരു കാരണവശാലും പ്രവര്‍ത്തിപ്പിക്കരുത്.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ