"വര്ജ്ജിക്കേണ്ടതു മദ്യം"
ഗര്ജ്ജനമല്ലിത് സത്യം
ജീവിതഗാഥകളെഴുതിയ ചിന്തക-
രോതിയ സുന്ദര മന്ത്രം.
കണ്ണീരണിയുവതന്ത്യം
മുന്നേയുള്ളത് ചിന്ത്യം
തട്ടിയുടയ്ക്കുന്നൊത്തിരി ജീവിത-
കനവുക-ളീ, ദുര്ഭൂതം.
തെല്ലു വെളിച്ചം നല്കാന്
കഴിവുള്ളവരു,ണ്ടെന്നാല്
ഇരുളി,ലനങ്ങാപ്പാറകള് പോലിവി-
ടുരിയാടാതെയുറക്കം.
നാടിതു സുന്ദര നാട്
കഥകളിതന് പൊന് വീട്
ആദര്ശത്തിന് തെളിനീരുറവകള്
പിറവിയെടുത്ത നിലാവ്.
അനുവര്ത്തിക്കുക നമ്മള്-
വിശ്വ മഹദ്വാക്യങ്ങള്
മദ്യ-മയക്കുമരുന്നുകള് പാരിതി-
ന്നാപത്തെന്ന മൊഴികള്
പുതു തലമുറ-യീ ധരയില്
കതിരായ്ത്തീരണ, മെന്നാല്
ലഹരിയ്ക്കടിമകളാകുകിലിവിടെ-
വിഹരിക്കും- യമ, യാനം.
തട്ടിയുണര്ത്തുക- സത്യം
ചിന്തരുതിനി- യുവ രക്തം
യൌവ്വന ചിന്തകളരുതായ്മകളുടെ-
യരുമകളോ - ഹാ! കഷ്ടം.
യുവ ജനതയെ രക്ഷിപ്പാന്
കച്ചമുറുക്കുക നാടേ;
മെല്ലെ സഹിക്കുകയല്ലിനി വേണ്ടത്
പോരാടുകയിതിനെതിരെ.
(അന്വര്ഷാ ഉമയനല്ലൂര്)
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ