എസ്.എം.എസ് സന്ദേശത്തിലൂടെ എല്‍.പി.ജി. ബുക്കിംഗ്
എസ്.എം.എസ് സന്ദേശത്തിലൂടെ പാചക വാതക റീഫില്‍ സിലിണ്ടര്‍ ബുക്ക്‌ ചെയ്യാനുള്ള സൗകര്യം കേരളത്തില്‍ നിലവില്‍ വന്നു.
ഇന്‍ഡേന്‍ ഉപയോക്താക്കള്‍ 64625 എന്ന നമ്പരിലേക്കാണ് എസ്.എം.എസ് അയയ്ക്കേണ്ടത്.
ഭാരത് ഗ്യാസ്‌ ഉപയോക്താക്കള്‍
Vodafone ,ഐഡിയ,ടാറ്റാ,എയര്‍ടെല്‍,എം.ടി.എന്‍.എല്‍ - 52725
BSNL തുടങ്ങി മറ്റു കണക്ഷന്‍ - 7333
എസ്.എം.എസ് ബുക്കിംഗ് സേവനം ആഗ്രഹിക്കുന്നവര്‍ ആദ്യം മൊബൈല്‍ നമ്പര്‍ രജിസ്റ്റര്‍ ചെയ്യണം. ഓരോ മൊബൈല്‍ നമ്പറിലും ഒറ്റ കണക്ഷന്‍ മാത്രമേ രജിസ്റ്റര്‍ ചെയ്യാന്‍ അനുവദിക്കു; അതേ സമയം ഓരോ കണക്ഷനും രണ്ട്‌ മൊബൈല്‍ നമ്പരുകള്‍ രജിസ്റ്റര്‍ ചെയ്യാന്‍ അനുവാദമുണ്ട്.
ഭാരത് ഗ്യാസ്‌ ഉപയോക്താക്കള്‍ രജിസ്ട്രേഷനായി REG (സ്പേസ്) ഡിസ്ട്രി ബ്യുട്ടറുടെ എസ്.എ.പി. കോഡ്(സ്പേസ്) കണ്‍സ്യുമര്‍ നമ്പര്‍ എന്ന രീതിയില്‍ എസ്.എം.എസ് അയയ്ക്കണം.
ഇന്‍ഡേന്‍ ഉപയോക്താക്കള്‍ എസ്.എ.പി. കൊടിനു പകരം ഏജന്‍സിയുടെ ഫോണ്‍ നമ്പര്‍ ഉള്‍പ്പെടുത്തി വേണം എസ്.എം.എസ് അയയ്ക്കാന്‍.
രജിസ്ട്രേഷന്‍ വിജയകരമായി പൂര്‍ത്തിയായാല്‍ കമ്പ്യൂട്ടര്‍ സംവിധാനത്തില്‍ മറുപടി എസ്.എം.എസ് ലഭിക്കും.
രജിസ്റ്റര്‍ ചെയ്ത മൊബൈല്‍ നമ്പരില്‍ നിന്ന് എല്‍.പി.ജി എന്ന് എസ്.എം.എസ് അയച്ച് റീഫില്‍ സിലിണ്ടര്‍ ബുക്ക്‌ ചെയ്യാം. ഇതോടെ ബുക്കിംഗ് നമ്പര്‍ സഹിതം മറുപടി എസ്.എം.എസ് ലഭിക്കും; കൂടാതെ ഏജന്‍സിയില്‍ നിന്ന് സിലിണ്ടര്‍ ബില്‍ ചെയ്താലുടന്‍ ആ വിവരമറിയിച്ചും എസ്.എം.എസ് ലഭിക്കും.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ