ഊര്ജ്ജ പ്രതിസന്ധി നേരിടുന്ന ഭൂമിയെ സംരക്ഷിക്കുകയെന്ന ലകഷ്യത്തോടെ ലോകത്തിലെ പ്രധാന നഗരങ്ങളെല്ലാം ഇന്ന് ഒരു മണിക്കൂര് വൈദ്യുതി ഉപകരങ്ങള് അണച്ച് 'ഭൂമിക്കായി ഒരു മണിക്കൂര്' ആചരിക്കുന്നു. ആസ്ത്രേലിയന് നഗരമായ സിഡ്നി ആസ്ഥാനമായി പ്രവര്ത്തിക്കുന്ന വേള്ഡ് വൈഡ് ഫണ്ട് ഫോര് നേച്ചര് എന്ന സംഘടനയുടെ നേതൃത്വത്തിലാണ് ദിനാചരണം. ഈഫല് ഗോപുരം, ഈജിപ്തിലെ പിരമിഡ് തുടങ്ങി ലോകാത്ഭുതങ്ങള് ഉള്പ്പടെ ലോകത്തിലെ പ്രധാന കേന്ദ്രങ്ങളെല്ലാം'ഭൂമിക്കായി ഒരു മണിക്കൂര്'പരിപാടിയില് പങ്കുചേരും. എല്ലാ വര്ഷവും മാര്ച്ച് മാസത്തിലെ അവസാനത്തെ ശനിയാഴ്ച രാത്രി 8.30 മുതല് 9.30 വരെയാണ് വിളക്കുകള് ഉള്പ്പടെ എല്ലാ വൈദ്യുതി ഉപകരണങ്ങളും പ്രവര്ത്തന രഹിതമാക്കി ഒരു മണിക്കൂര് ഭൂമിയുടെ ഭാവിക്കായി നീക്കിവെക്കുന്നത്. ഈ വര്ഷത്തെ പരിപാടിയില് ഇന്ത്യയിലെ എട്ടു നഗരങ്ങളാണ് പങ്കു ചേരുന്നത്. ദല്ഹി, പൂനെ, അഹമദാബാദ്, ഹൈദരാബാദ്,ബംഗളുരു, ചെന്നൈ, കൊല്കത്ത, മുംബൈ എന്നീ നഗരങ്ങളാണ് രാജ്യത്ത് ഈ കൂട്ടായ്മയില് പങ്കാളികളാകുന്ന നഗരങ്ങള്. ആഗോള താപനത്തിനെതിരെ ഇന്ന് രാത്രി വൈദ്യുതി വിളക്കണക്കാം. ഒരു മണിക്കൂര് വൈദ്യുതി വിളക്കണച്ചു കേരളവും ഇതില് അണിചേരും. കഴിഞ്ഞ വര്ഷം ഭൂമിക്കായി ഒരു നിമിഷം ആചരിച്ചതിലൂടെ ദല്ഹി,മുംബൈ നഗരങ്ങളില് മാത്രം 1,000 മെഗാ വാട്ട് വൈദ്യുതി ലാഭിച്ചു. 2007- ലാണ് വേള്ഡ് വൈഡ് ഫണ്ട് ഫോര് നേച്ചര് (W.W.F) ഈ പ്രചാരണം ആരംഭിച്ചത്.
മറ്റ് കളരിത്തറകള്
27.3.10
ഇതിനായി സബ്സ്ക്രൈബ് ചെയ്ത:
പോസ്റ്റിന്റെ അഭിപ്രായങ്ങള് (Atom)
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ